لوگ پوچھتے ہیں کہ رمضان میں کیا وظیفہ پڑھیں کیا عمل کریں
جب آپ صلی اللہ علیہ وسلم نے ہمیں وظائفِ رمضان عطا فرمائےہیں تو ہمیں کوئی اور وظیفہ تلاش کرنے کی ضرورت نہیں ہے کیوں کہ آپ صلی اللہ علیہ وسلم کے بتلائے ہوئے وظیفوں سے بڑھ کر کوئی وظیفہ نہیں اِلّا یہ کہ وہ بھی آپ صلی اللہ علیہ وسلم ہی کا بتایا ہوا کوئی وظیفہ ہو۔رمضان المبارک میں جو اعمال کثرت سے کیے جائیں ان کے بارے میں سرورِ عالم صلی اللہ علیہ وسلم کا فرمانِ عالی شان ہے:
رمضان میں کرنے کے کام
نمبر۱) کثرت سے لَا اِلٰہَ اِلَّا اللہُ پڑھنا۔ بزرگوں نے کثرت کی جو تعداد بتائی ہے وہ کم سے کم تین تسبیح ہیں، کیوں کہ عربی میں جمع تین سے شروع ہوتا ہے۔
نمبر۲) کلمۂاستغفار کی کثرت۔
نمبر۳) کثرت سے جنت مانگنے کی دعا کرنا ۔
نمبر۴) دوزخ سے کثرت سے پناہ مانگنا۔
اللہ تعالیٰ سے جنت طلب کرنے اور جہنم سے پناہ مانگنے کے لیے احادیث میں بہت دعائیں ہیں جن میں ایک دعا یہ بھی ہے
اَللّٰھُمَّ اِنِّیْ اَسْئَلُکَ الْجَنَّۃَ وَمَا قَرَّبَ اِلَیْھَا اَللّٰھُمَّ اِنِّیْ اَعُوْذُبِکَ مِنَ النَّارِ وَمَا قَرَّبَ اِلَیْھَا
اے اللہ! ہم آپ سے جنت کا سوال کرتے ہیں اور جنت والے اعمال کا سوال کرتے ہیں اور جہنم سے پناہ چاہتے ہیں اور جہنم میں لے جانے والے اعمال سے بھی پناہ چاہتے ہیں۔