ڈسٹرکٹ بار ایسوسی ایشن حیدرآباد کی اپیل پر پیر کے روز وکلاء نے فلسطین پر اسرائیلی بربریت کے خلاف اور فلسطینی عوام سے اظہار یکجہتی کے لیۓ یوم احتجاج منایا اور وکلاء نے عدالتی امور کا بائیکاٹ کیا اس سلسلے میں ڈسٹرکٹ بار حیدرآباد کےبار روم میں وکلاء کی جنرل باڈی کا اجلاس منعقد کیا گیا اور ڈسٹرکٹ کورٹ سے پریس کلب حیدرآباد تک احتجاجی ریلی نکالی گئی اس موقع پر جنرل باڈی اور بعد ازاں ریلی کے شرکاء سے خطاب کرتے ہوۓ ڈسٹرکٹ بار حیدرآباد کے صدر آصف شیخ ایڈوکیٹ جنرل سیکریٹری عمران برانو ایڈوکیٹ شاکر نواز شر ایڈوکیٹ سلیمان سروری ایڈوکیٹ و دیگر نے کہا کہ فلسطین پر اسرائیلی بربریت فلسطینی بچوں عورتوں اور نہتے نوجوانوں کا قتل عام عالمی جنگی جرائم میں آتا ہے اور عالمی اداروں کو فلسطینیوں کی نسل کشی اور اسرائیلی ریاستی دہشت گردی کا فوری نوٹس لیتے ہوا اسرائیل پر اقتصادی پابندیوں اور ساشل بائیکاٹ کا اعلان کرنا چاہیۓ مقررین نے مزید کہا کہ بیت المقدس ہر مسلمان کو جان سے زیادہ عزیز اور مقدس ہے اور کوئی بھی مسلمان اس کی بے حرمتی ہر گز برداشت نہیں کر سکتا ریلی میں شریک وکلاء اسرائیل مردہ باد اور اقوام متحدہ جواب دو خون کا حساب دو کے نعرے لگا رہے تھے اور ہاتھوں میں پلے کارڈز اٹھا رکھے تھے۔
