کراچی
(اسٹاف رپورٹر)
سندھ میں ڈسٹرکٹ ویجیلنس کمیٹیوں کو فعال کرنے کے لیے سندھ بانڈڈ لیبر سسٹم (ابولیشن) ایکٹ 2015 اور سندھ پروہیبیشن آف ایمپلائمنٹ آف چلڈرن ایکٹ 2017 پر ڈی وی سی کے اراکین کی حساسیت کے حوالے سے لیبر اینڈ ایچ آر ڈپارٹمنٹ حکومت سندھ کی جانب سےآئی ایل اوکے تعاون سے سیمینار کا انعقاد کیا گیا۔
اس موقع پر کمشنر حیدرآبادندیم میمن نے سیکرٹری لیبر اور ڈی جی لیبر کو چائلڈ اینڈ بانڈڈ لیبر کے خاتمے کے لیے ان کی مسلسل حمایت پر سراہا۔ انہوں نے اس بات پر زور دیا کہ اس قسم کے سیمینار مستقل بنیادوں پر منعقد کئے جائیں وہ اس نیک مقصد کی بھی حمایت کرتے ہیں اور ہمیں درکار ہر مدد کے لیے پرعزم ہیں۔
اس موقع پر سیکرٹری لیبر نےکہا کہ وہ چائلڈ اینڈ بانڈڈ لیبر کے خاتمے کے لیےکام کررہے ہیں اور اپنے ماتحتوں کو تمام اضلاع کے DVC’S میں شرکت کی ہدایت کی۔ انہوں نے کمشنر حیدرآباد کا شکریہ ادا کیا۔ انہوں نے اس نیک مقصد کے لیے مسلسل حمایت پر آئی ایل او کا شکریہ بھی ادا کیا۔
ڈی جی لیبرنے منصوبے کے بارے میںبتاتے ہوئے کہا کہ گزشتہ 2 ماہ سے وہ کمشنر حیدرآباد، میرپورخاص اور شہید بینظیر آباد سے مسلسل ملاقاتیں کررہے ہیں۔ آئی ایل او کے ڈاکٹر فیصل اقبال نے اس طرح کی شاندار تقریب کے انعقاد پر سیکرٹری لیبر اور ڈی جی لیبر کا شکریہ ادا کیا۔ وہ چائلڈ اینڈ بانڈڈ لیبر کے خاتمے کے لیے محکمہ لیبر کی حمایت جاری رکھنے کے لیے اپنے عزم کو بھی ظاہر کرتا ہے۔
پراجیکٹ مینیجر گلفام نبی میمن نے 12 اضلاع کے AC سمیت مختلف چیزوں کی پریزنٹیشن پیش کیں